沖繩係一個有趣地方，因為歷史嘅原因，令沖繩嘅飲食融合咗日本和美國的飲食文化！其中一種飲食文化融合嘅料理表表者就係「墨西哥Taco Riceタコライス」！
本來係墨西哥薄餅嘅Tacos去到沖繩之後，日本人就將薄餅嘅秘製醬汁、肉醬、芝士、生菜、蕃茄加到飯上面（可能因為日本人都係唔食飯唔夠飽掛？），好似丼飯咁，再加啲墨西哥辣椒造嘅辣醬，咁就創左Taco Rice「タコライス」呢樣沖繩美食啦！
沖繩有好多店都有賣Taco Rice，不過講真係好好食嘅，個人口味都係覺得「元祖King Tacos」係最正！King Tacos開業於1984年，承繼咗Taco Rice創辦人儀保先生嘅食譜，保證大家係食到最原汁原味既Taco Rice。
元祖King Tacos
門口大大隻字寫住King Tacos，一定唔會睇唔到！
當然唔少得最最最原始既墨西哥Tacos 啦～
30年老字號，名不虛傳，更有新聞報導「造出746KG的墨西哥Taco Riceタコライス的世界紀錄」
4大必食原因！
1. King Tacos 嘅價錢真係20年不變！
一碟Taco Rice20年嚟都係¥600，真係好抵食！
價錢都係街坊價，20年不變。
2. 極之真材實料！
肉碎、芝士、生菜三種材料堆到好似座山咁高，睇見都大滿足！佢原來嘅設計係為左在沖繩嘅美軍食得夠飽，所以飯量都好多，完全可以滿足大胃王（兩個女仔去食share都覺得夠飽）！
真係好足料既Taco Rice ，材料堆到好似座山咁高。
3. 自家製辣醬(Salsa sauce)辣得好過癮！
連我呢個唔食辣嘅人都係咁加落兜飯，個醬真係好有墨西哥風味！
4. 料理多元化！
除咗Taco Rice 仲有其他嘢可以選擇，例如Taco Burger墨西哥肉醬漢堡包，Taco 墨西哥薄餅，唔食菜人士更可以揀Cheese Taco Rice (即係走菜)，真係適合一家大細去食!
為左迎合美國人口味，King Tacos 仲有Tacos 餡既Burger賣，同樣份量十足。
如果食完想回味沖繩Taco Rice 嘅味道，大家可以去各大手信店或者超級市場買 「即食方便裝Taco Rice 」回家，食法同即食咖哩一樣，叮熱之後自己加芝士、生菜和蕃茄於飯面。另外King Tacos 亦很貼心地連自家製墨西哥辣醬都有得賣，保證你番到屋企都煮到原汁原味嘅Taco Rice，日日回味沖繩嘅味道!
各大超級市場及手信店都有得賣既「即食方便裝Taco Rice 」。
美里店的店內，晚上都座無虛席，係本地人既主要飯堂。
King Tacos 分店:
キングタコス金武本店：沖縄県国頭群金武町字金武4244-4.
キングタコスあげな店 ：沖縄県うるま市みどり町4-20-1 １Ｆ
キングタコス 美里店：沖縄県沖縄市美原2-16-11
キングタコス与勝店：沖縄県うるま市与那城屋慶名405
キングタコス普天間店：沖縄県宜野湾市普天間1-24-6 １Ｆ
キングタコス 長田店：沖縄県宜野湾市宜野湾3-1-1
撰文、圖片：Ada Lau
Facebook專頁：Adalaubaby 日本人的生活。旅遊。體驗
About Post Author
