告訴你，1612年今日,宮本武藏同佐佐木小次郎喺巖流島決鬥

宮本武藏同佐佐木小次郎，應該武人唔識佢哋啩？呢兩位名劍手曾經於岩流島上嘅決鬥，至今仍然經常出現於各種創作之中。不過原來當年呢場大戰，就係發生係1612年嘅今日喎。

話說當時宮本武藏已經好出名，唔單止不敗記錄持續刷新，佢嘅一長一短雙刀流於當時更於當加令人聞風喪膽。當時又型又打得嘅佐佐木小次郎剛剛就出仕於小倉細川家，都算係有啲成就。而細川家家老長岡佐渡想舉薦宮本武藏，於是就努力去煽動兩個人決鬥。終於，兩人最終都係約好咗4月13日喺巖流島決鬥。

不過宮本武藏當日冇依時出現，直到年紀輕嘅小次郎開始燥底，宮本武藏終於出現。原來武藏係有心咁做。原來佢早一日就偷偷搭船去咗下關，而且故事遲到，仲連刀都冇帶，只係帶咗枝尖頭長棍。小次郎一見佢梗係衝過去劈佢啦，不過就因為咁佢冇留意自己係對光，更見唔到宮本武藏枝棍係長過佢把刀，於是小次郎就咁就比人照頭就係一棍……秒殺咗。