想去唱K但係又冇人陪，但一個人去一般K房又好似太那個？
或者想試下用專業錄音咪唱歌又唔知可以去邊好？
今次就介紹日本一間專為一個人唱K而設，
而且又有專業錄音咪俾你任用嘅「1KARA」卡啦OK店～！
「1KARA」有好多唔同分店，好似澀谷店就係其中一間～
要喺「1KARA」唱K之前要整一張會員卡(300Yen)，
之後店員就會問你想要咩機種咩房同埋一個比其他K房特別嘅就係耳機啦～
因為「1KARA」本身係一定需要插耳機先可以聽到音樂同埋自己把聲，
如果冇嘅話係唔會好似一般K房咁一點歌就有歌聽㗎～
當然亦都可以自備，不過有機會同佢哋嘅器材夾唔啱，
所以第一次去嘅時候我建議可以租佢哋嘅耳機，
再自帶一個，如果啱用嘅話咁下次再去就可以用自己嗰個啦～
佢哋嘅耳機有好多種，想聽高音質靚聲當然可以用貴啲，
如果冇特別要求其實最平嘅300Yen都Ok㗎啦～
房間方面佢哋除咗一般K房之外，仲有頭等房間，樂器房，
同埋冇卡啦OK嘅Free Room都有
（可以俾你自修等等）
如果係女仔一個人去又有少少驚嘅話，
佢哋可以安排你到女性專用區～咁就可以唱得安心啦～
而「1KARA」本身嘅唱K費已經係包埋任飲，
所以唱到口乾嘅時候可以隨時去依個飲品區到拎野飲㗎（可以拎入房）！
想出去拎野飲，但貴重野喺房又冇人睇？
唔洗驚～佢哋嘅K房全部都係Auto－Lock，
你出咗去嘅時候佢哋會自動鎖上，但要記得出去嗰陣要帶鎖鑰，
如果唔係就連自己都入唔返㗎啦
因為係一個人專用嘅K房，所以間房真係一個人嘅Size，
有一張枱，一張櫈，一部電視，一個專業錄音咪，一般唱K線咪同音響儀器等等～
佢個電視有可以拉上拉落嘅功能，所以如果唔想企喺到唱嘅話，
就可以拉落嚟坐喺到唱，但又唔洗要舉高頭咁辛苦啦～
準備唱之前記得要先插好同帶上耳機，咪方面你可以揀自己想用嘅咪，
例如唱慢歌就用專業錄音咪，快歌就可以用一般唱K線咪
個專業錄音咪雖然係入牆，但係可以拉出拉入拉上拉落～
而大細聲就可以自己調教，非常方便～
當然設備齊全之外音源都好充足㗎～
除咗日文歌之外，中，英，韓文歌都有（當然會比日文歌舊少少）～
唱到就嚟夠鐘嘅時候，電視嘅左右下角就會出現10鐘前同埋夠鐘嘅字燈，
咁就唔怕唱到過哂時都唔知啦～
價錢方面每一間分店都有唔同價錢，有啲就有限定Package，
好似澀谷店就有女性3小時任唱1600Yen（一般房）等等～
去之前可以去佢哋嘅官網睇睇㗎（有中文）
去得日本旅行，買嘢食嘢洗錢少不免，記得用埋AEON Card Jal儲埋里數最著數！
日本海外簽賬HK$6蚊儲1里，而家迎新簽滿指定金額額外送5000日航里數！
圍返即係低至HK$1.72 = 1里咋！儲夠20,000里就換到日本來回機票（可以換北海道真係抵！）
呢期咁多人去日本賞櫻，申請埋先出發啱晒！詳情睇呢度：https://www.likejapan.com/aeon9
About Post Author
