因為我好中意「濕平」同追星，但又唔係好多錢，所以唯有食平d～
限住自己一日只用1000yen食飯～～～
岩岩夜晚呢餐，我就去左附近超市搵食喇～
夜晚唔可以無飯落肚，所以我就去左睇下有咩平既sushi食喇～
發現有三文魚壽司卷！而且只係100yen！！計埋稅都只係108yen咋！！！
雪櫃入面放左d兜兜係到，自己用旁邊既鉗仔去夾sushi落兜兜到就ok架喇～
睇開我寫野既朋友應該都知道我一向重口味，所以點可以唔食呢d炸野呢？
超多選擇，任君選擇～
有炸蝦、炸豬排、炸蕃薯、炸雞排、烤豬肉串、炸魚柳、炸三文魚……
真係好多好多，我企係到諗左好耐（因為我有選擇困難症XD）
當係到諗食炸豬肉串定炸雞排好時，再望望隔離既炸三文魚～
同樣價錢，梗係食炸三文魚啦！！！
另外，我都揀左件炸豬排～～
去收銀排隊俾錢，只係366yen咋！
兌返港紙只係＄25.6咋！！！
食後感︰我中伏！個三文魚壽司卷入面竟然有wasabi！！！
另外，個炸三文魚係炸皮好厚，而三文魚就好薄～但味道係ok既～
至於炸豬排呢…因為我食完兩件已經飽喇…夜少少先再食埋炸豬排～
如果大家都係為追星睇live而黎日本既話，又或者長stay日本既話，想慳錢既就考慮下去超市搵食啦！
一分錢一分貨既，400yen都唔洗，味道還好啦，份量係少d既～
所以，可能岩絲打多d，如果巴打自問細食既，都可以試下既～
About Post Author
