大阪心齋橋區域真係有好多燒肉店，繼我之前推介過嘅六甲燒肉，今次我想推介比大家嘅係牛角！
大家心裡面係咪有個疑問，牛角香港都有啦，做乜要去日本食呀？
原因好簡單，就係因為日本嘅牛角好味過香港嘅牛角！
同埋日本牛角有香港冇嘅燒肉放題！！
同埋日本牛角有香港冇嘅燒肉放題！！（利申：本身係香港都幾鍾意食牛角）
▼牛角係日本有好多分店，淨係大阪府都有90間，而我地今次去嘅呢間就係全日本最大嘅分店－道頓堀分店，
係跑步人後面道頓堀橫街右手邊。
▼地址：大阪府大阪市中央区道頓堀1-6-10 ふるさとビル
電話：06-6484-0129
營業時間：全日17時～翌5時
▼我地係食8:30時段，大約3點左右WALK－IN去BK左位先，因為其實呢次已經係我第二次黎呢間分店食，上次冇BK位，足足等左35分鐘先入到去。
▼呢間牛角係開到零晨5點，岩晒零晨機先到嘅旅客，一到步即刻食燒肉係咪正先～
▼門口有個好誇張嘅燈牌：到日本不去牛角吃烤肉，等於沒來＠＠
▼今次係我第二次黎，被安排去5樓嘅和式座位，然後勁巧合地同上次坐嘅位置係一樣，有冇咁橋呀哈哈，而呢道係要除鞋先入得嘅。
▼2次來的位置一樣，有圖有真相
▼日本牛角有單選同放題選擇，咁我緊係揀放題啦，食盡去呀麻！
▼放題有3個價錢揀，分別係70款（2980YEN）／100款（3580YEN）／110款（4280YEN）選擇，係貴架，但款式真係好多，睇埋落去就知！
因為我想食牛舌嘅關係，所以我揀左最貴個款4280YEN。
3款詳細分別可看這裡：http://www.gyukaku.ne.jp/menu/tabehodai.html
▼4280YEN的110款食物MENU如下：
（＊可放按圖片放大看，或到這裡看）
▼每點一樣佢就係用呢啲正方型碟仔裝住，分量大約係每碟5舊肉左右，我覺得每碟嘅分量可以再少啲會再好啲，咁就可以試多啲唔同款式！
▼當中我最推薦嘅有2款，第一係牛舌，話晒都係最珍貴，得最貴嘅SET先有，唔好味就死啦！
記得唔好點錯豬舌呀，我第一次黎就係點錯左，因為豬舌格離有個」大人氣」字眼，誤導左我T＾T
佢係薄切嘅牛舌，薄身得黎有彈牙嘅感覺，勁好味，我總共係叫左4碟
▼第二就係五花肉，五花肉肉質好嫩滑，必食推介！
而五花肉係有好多款唔同調味比你選擇，個人推介蛋黃五花肉，即係燒完之後撈蛋黃，滑上加滑呀～
▼雞肉都係好好味～不過重點都係建議食牛舌＋五花肉！
▼呢款雞肉連埋芝士一齊燒，非常滿足亦都罪惡感十足
▼呢道除左肉類有好多款選擇之外，仲有海鮮類產品，蝦，尤魚，帶子。個人最鍾意食帶子！
▼而今次我仲試左2樣我未試過嘅燒物，第一個就係叫」會上癮的豬大腸」，為左睇下佢係咪會上癮，我就點左黎試下！
▼個外觀一啲都唔似平時車仔麵食開嘅豬大腸，係偏白色的～
▼不過又真係幾好味，口感有啲似雞皮同魷魚，好難形容，都有DD似食開嘅豬大腸，至於有冇上癮，就係冇嘅，不過主要原因係因為我好飽哈哈，但真係好味嘅！
▼另外我仲點左呢個牛嘅」橫隔膜筋」，我未食過呢個部位呀～
▼口感似牛腩，其實係咪即係牛腩， 味道亦都非常唔錯，見佢咁厚亦都唔會韌！可惜我個時已經太飽，冇QUOTA再叫多啲食
， 味道亦都非常唔錯，見佢咁厚亦都唔會韌！可惜我個時已經太飽，冇QUOTA再叫多啲食
▼另外去到牛角必點嘅非燒肉類食物一定係牛角飯！
▼呢道想飲野嘅話可以散叫或者再叫多個一個飲品放題，想任飲酒類飲品就加多1580YEN
▼任飲普通非酒類產品就480YEN，我就係叫左呢一個，不過我發覺最後我都係飲得2杯，同散叫價錢差唔多哈哈！
▼散叫價錢係290YEN一杯
▼食到最尾就一定要有食甜品時間，而我每次去牛角無輪香港定日本都一定會食呢一款甜品！
▼就係抹茶味牛角雪糕！我形容為世界上最好味嘅雪糕之一（純粹我嘅口味），黑糖＋黃豆粉＋抹搽雪糕嘅配撘真係無敵！！！
▼埋單最後係9781, 因為我係網上印左張500YEN COUPON，所以就可以平500YEN～不過唔係個個月都有！
COUPON網址：http://www.gyukaku.ne.jp/coupon/
如果大家有LINE戶口，都可以搵返牛角個LINE，都會不定期出一啲COUPON，優惠可以去到平999YEN！
牛角（大阪道頓堀分店）
地址：大阪府大阪市中央区道頓堀1-6-10 ふるさとビル
電話：06-6484-0129
營業時間：全日17時～翌5時
About Post Author
