入居者全部自盡!? 咪即係死亡率十成!?

最近日本又有網友攞返出嚟講XD 話說上年就有房屋中介公司登咗個廣告，話25000日圓包月租同所有費用(比同區平咗三、四成)，禮金咩金都唔洗俾就即刻住得，仲要係獨立廁所同浴室(即間房24.4平方米大，2DK)，其實真係OK到爆炸啦！

不過睇真啲，備考嗰欄寫住「全入居者室内にて服毒自殺。(全入居者於房內服毒自殺)」？ 即係全軍覆沒？ 死亡率十成???????

間屋就係咁樣無端端變咗全國知名嘅凶宅。不過事實就只不過係地產公司嘅職員打錯字啫，原本應該係「前入居者室内にて服毒自殺。(「全」同「前」係同音字)」，即係「上手於房內服毒自殺」。

不過間屋就2014年起，所以其實死1個比率都唔低。而呢個單位喺日本嘅凶宅網都係搵到嘅。不過其實嗰個單位其實已經租咗出去，而家係有人住緊嘅。

千零港紙月租租間凶宅，你又會唔會去馬？