昔日瘋魔萬千少男嘅水着女星小倉優子（33歲）終於落實同佢個星級髮型師老公菊地勲氏離婚。舊年8月佢老公被文春踢爆於小倉優子二度懷孕時同佢嘅同門師妹馬越幸子偷食，引起一時轟動（詳情按此）。最後呢對夫妻都係走上結束5年5個月嘅婚姻之路。
小倉優子尋日首度於產後復出錄影，並大方提及自己已離婚一事，佢承諾會努力兼顧養育兩個兒子及佢嘅事業，即使成為單親媽媽亦都會堅強地生活落去。佢嘅事務所亦證實兩位小朋友嘅監護權歸佢所有。
雖然網上有傳佢向丈夫索取7000萬日圓嘅贍養費，但佢就於自己網誌上否認。據知情人士透露，佢並冇向前夫索取任何贍養費，不過菊地都承諾會負責付上養育費支持兩位兒子嘅成長。
希望小倉優子走出離婚嘅傷痛，可以努力兼顧做媽媽同藝人嘅生活啦！
資料來源：Livedoor News
About Post Author
