叮噹啊，誰都喜歡你，小貓也自豪….
自從保全叔走咗之後，電視機入面嘅叮噹唔再係叮噹，明明望住同以前一樣嘅影像，但感覺好陌生，然後醒起呢個世界一早冇咗叮噹，得返「多啦A夢」，之不過…如果掛住叮噹都唔係冇辦法嘅！
因為日本嘅「高岡童話森林公園」（高岡おとぎの森公園）入面嘅空地，出現叮噹同成班主角，回憶都即時湧現，好想同叮噹、大雄，無憂無慮咁係遊樂場玩一日！
係YouTube搵到一段日本搞笑藝人去「高岡童話森林公園」嘅搞鬼片段，最好笑係1:40一秒變叮噹！
除咗以叮噹為主題嘅空地之外，大型遊樂場都係公園重點設施之一，瀡滑梯好吸引！
「高岡童話森林公園」佔地11公頃，約有2.5個東京巨蛋咁大，係1996年作為第13屆全國都市綠化博覽會會場而建嘅綠化綜合公園，有大草坪、大型遊樂設施、季節花卉、親子館等等，啱哂一家大細親子戶外活動。
除咗以上部分景點之外，公園入面仲有好多唔同展館，定期會舉辦各類具趣味性同教育意義嘅活動，有興趣帶小朋友去玩嘅爸爸媽媽，可以上官網睇睇。
地點：「高岡童話森林公園」高岡おとぎの森公園
地址：〒933-0826 富山県高岡市佐野1342
開放時間：09：00－17：00
暫停開放：逢星期二、每年12月29日至1月2日
前往方法：JR高岡站步行約34分鐘 或 的士約7分鐘（約1190YEN）
About Post Author
