唔講都唔知原來「第一回麥當勞總選拳」原來已經圓滿結束咗，呢個投票活動總共有12種包分成2隊進行投票，每款包都各自有各自嘅宣言，承諾如果當選咗會為大眾市民帶嚟咩回饋，成件事超級認真！到底12個包各自有咩宣言？一齊睇睇！
（左起）BIG MAC：「變成MEGA MAC，但價格不變！」；Double Cheese Burger：「由Double Cheese變做Triple Cheese，但價格不變！」；Egg Cheese Burger：「加多塊煙肉變成Bacon Egg Cheese Buger，但價格不變！」
（左起）Bacon Lettuce Burger：「加多塊煙肉，但價格不變！」；Quarter Pounder with Cheese ：「份量加倍，但價格不變！」；Double Quarter Pounder with Cheese：「如果真係當選，份量乘三！」
（左起）TERI YAKI McBURGER：「為咗大家，我嘅照燒肉份量會加倍，但價格不變！」；CHICKEN Filet-O：「加多塊Bacon同芝士，變成超豐富嘅 Filet-O，但價格不變！」；Barbecue Port Burger：「 份量加倍，但價格不變！」
（左起）Chicken Cheese Burger：「加多塊芝士變成Cheese Chicken Cheese Burger！」； Filet-O-Fish：「畀多塊魚柳你，但價格不變！」；EBI Filet-O：「變成史上第一個Double蝦寶嘅 EBI Filet-O，但價格不變！」
每個包為咗要勝出都無所不用其極，如果你都有份投票，你又會揀邊個呢？呢個投票活動維持咗成個月，有成193,850,383點投票次數，睇嚟日本人對呢次總選拳都極之關心喎！
而搞完一輪，結果終於都公佈咗，眾望所歸由Double Cheese Burger同TERI YAKI McBURGER分別奪得頭兩位，即係話佢地將要找數，喺2月1日到7日期間變成履行承諾，變身超豐富漢堡包！
呢個就係奪得第一位嘅「Double Cheese Burger」啦！不過喺2月1日到7日期間將會變成Triple Cheese Burger，無論係牛肉漢堡扒定係芝士份量都乘三，你個口夠唔夠大將佢一啖咬到底！？
第二位係小編最愛嘅TERI YAKI McBURGER！以前食成日覺得塊肉太薄，而家加多塊，爆汁效果即時升級，諗起又好想去食啦……
第一回選手拳搞得非常成功（希望會仲有第二回(´∀｀)），為咗大事宣傳今次結果，專當勞仲特登拍咗條片，識日文嘅可以去睇吓，都幾盞鬼！
最後提多大家一次，今次回饋回動只會做到2月7日，喺日本嘅朋友千祈唔好錯過，否則真係唔知幾時先會有機會試到！
第一回麥當勞總選拳 宣言實行活動
地點：日本麥當勞
期間：2017年2月1日～7日
售價：Triple Cheese Burger ¥320、Double TERI YAKI MacBurger ¥320
About Post Author
