地縛靈長期徘徊！ 超恐怖「關東第一鬼屋」

2017年第一次「講咩詭系列」！ 今次又係一次「找數之旅」，系列出第4篇文就係找數文都咪話唔慘慘豬！(快啲入去支持上次嘅鬼故「難波超猛鬼BC電器舖」﹕傳送門)  回直題，今次要介紹嘅係位於千葉縣東金市，號稱「關東第一鬼屋」嘅「活魚酒店廢墟」

 

 

相信有跟開靈異嘢嘅朋友應該都好熟悉「活魚酒店廢墟」呢個地方。因為除咗當地電視台已多次採訪外，過去幾年包括一個香港收費電視台同有「鬼王」之稱嘅著名靈異節目主持人亦有喺嗰度拍攝實錄電影。今次就同大家重溫多次啦。

 

點解叫「活魚酒店」？

其實「活魚酒店」唔係酒店嘅本名，酒店嘅正式名稱係「油井グランドホテル(油井Grand Hotel)」，酒店叫做「活魚」係因為門口有個好大嘅招牌寫住「活魚」，久而久之就俾去「探險」嘅人咁叫啦。

 

位於愛情酒店區嘅油井Grand Hotel，一開始都係愛情酒店，及後有一段時間因為生意太差而改為提供鮮魚料理嘅普通酒店，但後來又變回愛情酒店，不過最後都因經營不善同「各種原因」，苦苦堅持過後終於喺1998年捱唔住倒閉。

 

 

 

而喺油井Grand Hotel經營期間，就發生過好多件自殺案件。包括有一次，一對留宿嘅情侶因為小事嘈交竟然引發刺死事件，另外同日又發生另一單自焚自殺事件。自此呢間酒店就不停發生自殺事件。

 

 

 

 

2004年12月22日凌晨4:30，喺千葉縣茂原站附近，香織小姐同佢嘅女性朋友喺卡拉OK出嚟嘅時候，就被5人強行拉上車帶走到一條隧道。

 

期間香織小姐除咗被搶去11萬日圓外，亦被多過一個人強姦(據其中一名後來自殺嘅犯人供稱，香織曾稱自己有孕，不過主犯嘅齋藤義仁不但冇理會，更將長靴插入佢下體，其後又曾勒頸、用火機燒佢、用腳踢面同電擊，最後更將佢殺死。之後由於怕屍體被發現，於是就將佢運到金市油井已經荒廢嘅油井Grand Hotel，收埋喺一個廢棄喺草叢嘅雪櫃入面。

 

 

5名犯人之中，除咗其中一個犯人喺候審期間自殺外，其餘4人判罰如下：

齋藤義仁(無期徒刑)

神明勝信(無期徒刑)

犯人A3（犯行時16歳・斎藤義仁の弟）※因少年法而不公開姓名及13年徒刑

犯人A4（犯行時16歳）※因少年法而不公開姓名及14年徒刑

 

 

 

1.

相傳由於酒店係以倒閉形式結束，酒店老板最後係不知所蹤。廢墟化後酒店原址成為咗暴走族同一啲「邊青」嘅聚腳點。有好多人反映，有人於地下空地生火時曾見到酒店其中一間房有人自焚，另外亦有人見過店長在酒店2樓吊頸自盡。當然就算有人報警，最後當然係咩都搵唔到。

 

 

2

廢墟入面嘅門偶爾會自動關閉，特別係2樓有燒焦痕跡嘅房間，據說經常會自己打開、關閉 (facebook套片打開嘅門就係屬於嗰間房)。

 

 

3

經常有人目擊女性嘅身影出現，普遍入去探險同集會嘅暴走族都認為係被姦殺嘅香織小姐於酒店內徘徊不去。而多個日本傳媒前往採訪時，隨行嘅「靈能者」亦表示有靈力超強嘅女性地縛靈喺酒店內停留。而香港某套電影亦曾在酒店內請嗰位女性靈體出現，最後女性靈體似乎就上咗其中一位家賓嘅身。

日本某電視台採訪時疑似影到個女靈體，同fackbook feed套片來自同一個節目，正常網上應該搵到。不過真係搵唔到嘅即管留言看看……

 

4

有暴走族生火習會時，試過在發出燥音時曾聽到過女性嘅怒吼，然後見到2樓燒焦嘅房間起火，之後連佢哋其一個嘅電單車都燒著咗。最後警察嚟到當然就咩都冇發現啦。

 

 

正如小編上文所提及，呢個哋方由於實在太過危險(鬼固然之危險啦，不過暴走族亦超危險……)，而且嗰度由於係由市政府管理，屬於有業權嘅建築物，隨便走入去係犯法啊，大家千萬唔可以入去。為咗戴頭盔，小編在此表示：「我冇去過、我冇去過、我冇去過(因為很重要所以講3次)」，亦唔會係呢度公開提供任何地址。

 

當然如果有人真係想私下問嘅話……

 

 

講咩詭系列

 

【難波某超猛嘅BC電器舖點止係災場，重係刑場、亂葬崗!?】
傳送門

 

「超震撼!! 難波著名連鎖電器舖其實係關西靈異重災區！」
傳送門