繼之前一平出嘅士多啤梨蛋糕味撈麵同朱古力撈麵，唔知係咪玩開有條路，連日清都玩埋一份，將抹茶加落個海鮮杯麵度，味道係點，有少少難以想像……
據官方所稱，為咗更加突出「抹茶」呢個特點，連麵條佢地都突登加咗抹茶去整，整出杯麵界史無前例嘅茶蕎麥風嘅綠色麵！麵都可以玩到咁，杯麵精華所在嘅湯底又點可以唔落足工夫！呢個抹茶杯麵用咗經典嘅海鮮湯做base，再添加咗特製抹茶風味，所以食起上嚟會食到些微苦苦甘甘嘅抹茶味道。
成件事聽落有啲詭異，但日清嘅杯麵又真係冇乜邊種味係難食，相信呢一款咁嶄新嘅味道應該亦唔會差得去邊（應該唔係伏嚟嘅……）。
除咗個抹茶杯麵，日清同日仲會推出「壽喜燒風烏冬」同「梅昆布茶鹽燒蕎麥麵」，想試呢啲咁別具特色嘅杯麵，去到日本記得去超商掃貨！
抹茶杯麵、壽喜燒風烏冬、梅昆布茶鹽燒蕎麥麵
發售日期：2017年1月23日
售價：¥180～
About Post Author
