『少女與戰車』作為一套近年罕見嘅人氣作品，相信呢度都有一定數量嘅網友係此作品嘅粉絲吧。其中大家對於小隊戰打到出神入化嘅女主角：大洗女子學院 鮟鱇隊隊長西住美穗，一般都喜愛稱之為「軍神」。
但大家又有冇諗過，點解係「軍神」叫「軍神」？
原來呢個係同普遍認為西住玩角色梗嘅對像：西住小次郎有關。
出身於熊本縣上益城郡甲佐町嘅日本陸軍軍官西住小次郎(話說同西住美穗出身地熊本市好近喎)，係第一位被日本軍部官方稱為「軍神」嘅士官。
西住小次郎嘅八九式中戰車俾中國嘅重機槍打到變蜂巢
西住小次郎為二戰早期有份參與攻打中國嘅陸軍軍官之一，佢喺第二次上海事變時登陸上海，並擔任過八九式中戰車車長。西住小次郎喺登陸後參加過大小會戰共34次，期間雖然多次身負重傷但始終冇脫離前線，期間甚至曾暫代受傷嘅連長高橋帶隊作戰。
八九式中戰車
最後喺宿縣南大庄附近嘅高粱田附近，佢喺尋找渡河路線回程時被中國狙擊手從後狙擊打中，並因傷及大動脈而失血過多致死。死嗰時都係24歲。
雜誌介紹小次郎同佢架八九式中戰車
最後連電影都出埋
來自電影「軍神西住戰車長」 戰車戰鬥之歌
「軍神」呢個朵就係佢死後出現。話說小次郎死後，佢上級細見惟雄上校就曾喺千葉陸軍戰車學校嘅演講中提起佢，加上媒體爭相報導，稱西住為「軍神」，及後官方就確定咗佢「軍神西住戰車長」呢個稱號，亦係西住美穗被網友稱為「軍神」嘅源頭。
About Post Author
