日本金牌（喊包）乒乓球選手福原愛9月宣布同台灣乒乓球選手江宏傑結婚，前日終於公佈咗嘅佢哋嘅靚靚甜蜜婚照喇！見到福原愛勁甜蜜嘅笑容，真係戥佢哋開心！
因為老公喺德國比緊賽嘅關係，呢對新婚夫婦係喺德國度過緊佢哋嘅新婚生活～而今次嘅婚紗相都係喺德國斯圖加特(Stuttgard)拍攝嘅。呢個地方係佢哋兩人宣布婚訊後第一個一齊生活嘅地方，所以對兩人有特別嘅意義，象徵住佢哋幸福嘅發源地同有著佢哋一齊訓練嘅甜蜜回憶添呀！
兩人將會於2017年1月1日喺台北晶華酒店舉辦婚宴，並會於婚宴前舉行記者會宣告對未來嘅規劃。衷心祝福呢對新人幸福快樂呢！
婚照來源：Starfish Concept
About Post Author
