https://www.youtube.com/watch?v=KJe0s6RCrcg&rel=0
柔道姓誕～又到聖誕～雖然仲有成個幾月先到聖誕節，但東京迪士尼同迪士尼海洋已經率先響起咗聖誕嘅鐘聲、亮起晒聖誕嘅燈飾…好靚好浪漫！
到東京迪士尼個門口已經見到啲人物着晒聖誕服裝，一入到去更加不得了，勁勁勁大棵聖誕樹！唔講真係以為今日係聖誕啊～～好多人係依到影相打卡（我都係haha），美中不足嘅係其實就咁睇依個位唔係太睇得出係迪迪尼～,～
嚟到重頭戲花車巡遊，真係好有氣氛啊～～～
未開始之前表演藝人們會教大家跳吓舞，聽唔明日文唔緊要，跟住隔離跳就冇問題～
好快好快迪士尼人物就會出場啦～全部花車都鋪晒雪（雖然Frozen就同本身一模一樣冇咩特別）；公主啊、米奇等等公仔都着晒聖誕裝，好華麗！
睇完遊行，痴線我睇新聞睇上腦，係巡遊！就去醫肚啦～我地去咗キャプテンフックス．ギャレー到叫咗依個special set（730yen）
依個聖誕樹咁款嘅烤雞pizza係咪好靚！而且仲好有日本風情㖭（入面加咗山芋㗎我真係見識少冇食過）～味道都唔差㗎！
時間關係，咋一聲我地就去咗踏迪士尼列車去迪士尼海洋啦～OMG啲扶手手環全部都戴晒聖誕帽！要自拍就要抓緊時間啦因為勁快就會到站！
門口有好大隻船～～全部迪士尼人物仲着到成個海軍咁～果然係Disney Sea～(咁口口啱影到一對男男擁抱中＝＝)
迪士尼海洋依邊唔係睇花車，而係有個廿幾分鐘左右嘅小劇場，講吓啲迪士尼人物們點樣準備過聖誕之類～
迪士尼海洋有好幾個地方都有好靚嘅聖誕夜景！
首先就係依個迪士尼海洋15周年特別版「幻彩咏香江」啦～湖上面會見到有棵15米高嘅發光聖誕樹，加埋色彩繽紛嘅遊輪同煙花真係好好睇！不過冬天企係湖邊真係超級凍，所以大家最好帶定暖包啊、買定熱飲去睇啦～～～
個人最想同大家推介嘅就係Toy Story嘅夜景啦～超級驚喜～～～～
琴日由開園玩到閉園，13個鐘不停地行，仲要玩咗人生第一次跳樓機（去到最頂仲要勁好彩見到煙花！），而家真係得返半條人命～,～不過為咗玩，啊唔係係為咗拍片比大家睇，一切都係值得嘅！由今日到12月25號（唔好等到Boxing Day先去咁傻豬豬啊）迪士尼同迪士尼海洋都做緊聖誕活動，想去嘅朋友就唔好走寶啦～
迪士尼官網在此～下次再傾啦byebye～
About Post Author
