我諗大家都對「熊本熊」呢個吉祥物並唔陌生，但你哋又對「熊本縣」有幾多了解呢？你哋又知唔知熊本縣座落於日本邊一個地方？……冇錯喇！就係「九州」！
九州地方嘅溫泉、美食香港人就最鍾意啦，除此之外，當中七個縣（熊本、宮崎 、福岡、大分、佐賀、長崎、鹿兒島）都各有風情同文化，好值得大家更深入了解㗎！喺9月22日至10月2日期間，去到荃灣廣場嘅「TOUCH THE KYUSHU九州物產祭」，就有一個機會畀大家「睇」驗晒九州秋季魅力！
Oh～Oh Oh Oh～Oh Oh Oh～～～我眼睛想旅行！等我率先同大家報告一下現場有咩玩啦！
呢個九州物產祭，係由日本經濟產業省舉辦，為咗隆重其事，大會專程邀請咗松田邦紀先生（香港日本國總領事館總領事 ）同埋川原昌喜先生（九州經濟産業局國際部投資交流促進課課長）為大家致辭同主持開幕禮。此外，比卡超都嚟咗啊，令現場氣氛十分開心熱鬧！
開幕禮結束之後，立即有熊本縣山鹿市傳統嘅「山鹿燈籠祭」表演，呢次仲係首次喺香港進行演出?啊！
（兩位身穿浴衣嘅女舞蹈員，戴住「金燈籠」翩翩起舞，相當有韻味！）
（趁空檔同兩位舞蹈員影下相先！）
現場有個九州旅遊「睇」驗區，配備咗「VR虛擬實境裝置」，等大家唔使飛到九州，都可以飽覽當地景色，今次我就分別「睇」驗咗「大分縣」同「宮崎縣」，宮崎縣比較多自然嘅景色，有天安河原，仲有好多植物睇；大分縣原來有勁多溫泉，有個血之池地獄溫泉成個溫泉都係紅色，哈，唔知現埸睇係點嘅呢。
第一次玩VR，感覺真係好新奇，大家睇下片入面我嘅表情就知啦哈哈！
有得玩之餘，就梗係有得食啦，大會今次就同「一田百貨」合作，喺現場設置咗美食攤位，開賣地道九州物產同美食，大家經過就一定要買返兩袋，唔買都試下飲、試下食啦！畀啲相大家睇先：
呢隻鹿兒島縣出品嘅「黑伊佐錦」燒酎 ，有蕃薯味嘅酒真係未試過，酒精仲濃度高達25％！小妹喺現場飲咗一小杯，已經面都紅晒！
來自宮崎縣嘅Momiki黑蒜：
於大分縣創業達100年嘅「近藤養蜂場」出產嘅薑蜜！哈哈，我仲貪得意加咗落啲酒度飲，覺得好飲咗添!
最後提提大家，展覽入面有個「楓葉園」，係一個唔錯嘅影相打卡位！宮崎縣嘅吉祥物「宮崎犬」仲會不定時出現同大家SNOWFIE?！
嚟到荃灣廣場嘅「TOUCH THE KYUSHU九州物產祭」，一次過參觀九州旅遊「睇」驗區、美食攤位同埋楓葉園，你一定可以發掘到好多九州各縣獨特嘅風情及文化，快啲帶埋家人朋友一齊去啦！
（要讚讚現場Helper姐姐好Nice啊！）
（我最愛嘅比卡超！！！）
Oh～Oh Oh Oh～Oh Oh Oh～～～我眼睛想旅行！
Oh～Oh Oh Oh～Oh Oh Oh～～～到九州的旅行！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
P.S. 我好好人，幫大家整咗個特別活動時間表，咁你哋自己識去玩啦！
【山鹿燈籠舞】：「TOUCH THE KYUSHU九州物產祭」首次將傳統「山鹿燈籠舞」帶到香港！每年8月熊本縣山鹿市大宮神社都會舉辦「山鹿燈籠祭」，舞蹈員會頭頂金燈籠翩翩起舞，形成一層又一層的燈輪光環。
【京築神樂】：在冬至時分，日本全國各地都會舉辦邀請神明，獻上舞蹈的「神樂」祭典。舞者會成為神明，和村民一起玩通宵。是次九州舞台為大家帶來的是京築神樂，是京築地區的文化財產，在全國各地均有公演，讓大家感受到京築魅力的活動。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
「TOUCH THE KYUSHU九州物產祭」活動詳情
日期及時間：9月23日至10月2日(上午11時至下午9時)
地點：荃灣廣場L1中庭 (香港新界荃灣大壩街4-30號)
*喺荃灣西鐵站出面行天橋10分鐘就去到㗎啦，好方便！*
About Post Author
