今時今日去到歌舞伎町仲食天神拉麵？梗係去泳衣跳舞bar啦

小弟就有一個夢想，就係搵到錢遲啲可以住自己心目中嘅男人天堂：澳門。
而男人天堂排第二嘅，一定係日本，雖然唔似澳門有賭場，但係夜生活夠豐富。

相信日本夜生活大家會首先聯想起歌舞伎町，但其實夜生活都分好多種。

今次要介紹一間泳衣跳舞bar，首先要注意嘅係日本呢啲娛樂場所要20歲先入得。

呢間叫GIRAGIRA GIRLS嘅泳衣跳舞bar，就係而家本本旅遊書都有介紹既機械人餐廳旁邊，
距離新宿車站五分鐘左右，地點都非常方便易搵。
 

地址：東京都新宿区歌舞伎町１丁目７−１
營業時間：19 : 00 ~ LAST

入面有靚女，有show睇，有水抽，有酒飲，唔只男人，都好受女人歡迎。

一般連鎖居酒屋飲兩個鐘3000-4000yen，
而呢到收費一個鐘大約4000-5000yen，價錢其實都非常合理。
但係唔係你俾錢就得，呢到入場規則嚴格，金毛打扮MK又或者無剃鬚係入唔到場嘅，
去之前要打扮整齊d。