唉又係我喇，今次又係有動漫作品真人化消息同大家宣布嘅。
較早前日本方面已經宣布會將經典惡搞動漫作品《銀魂》真人化，仲搵嚟超級型男小栗旬飾演極度無聊但又唔知點解會覺得佢有型嘅男主角w 坂田銀時！今日官方正式宣佈埋其他角色嘅選角資料喇！我想講….一套咁重口味、既低能又搞笑嘅動漫作品竟然可以搵嚟咁咁咁咁咁豪華嘅卡司…真係想講句：OK YOU WIN！！！
主演：坂田銀時 — 小栗旬
（眼鏡才是本體嘅）新八（又稱新八機）– 菅田將暉
神樂 — 橋本環奈
阿妙 — 長澤正美
不是『假髮』，是『桂』！：桂小太郎 — 岡田将生
平賀源外 — 室剛
土方十四郎 — 柳樂優彌
真選組一番隊隊長沖田總悟 — 吉澤亮
近藤勲 — 中村勘九郎
痴線㗎！！點解可以豪華成咁！小編我真係一路打字一路手震緊，唔單止有長腿女神長澤正美做阿妙，仲要有2000年一遇超級偶像橋本環奈做神樂XD！睇嚟製作組真係癲嘅，不過都好，唔癲都帶唔出《銀魂》嘅真髓。我哋即管睇下套電影會點喇！
但我比較想知將軍會唔會出場LOL
About Post Author
