東京Art Flow00係二子玉川一帶舉行，有唔同範疇嘅創作人參與。演繹「Human’s Nature」呢個主題，大多數作品互動性強，又有唔同工作坊供選擇，加上選址於休憩空間，吸引到更多公眾人士係公共地方參與藝術活動。
由7月29日到8月31日，一連串嘅活動同裝置藝術都會係二子玉川公園、兵庫島公園一帶舉行同展出。嚟到嘅人只需要揀想參與嘅活動,係指定時間同地點去到就得喇！(除咗部分項目同工作坊之外，大部分活動係免費嘅)
接住落嚟就要介紹下當日嘅works喇！
一到埗，好好彩咁我地趕緊捉住咗「Welcome！The Earthling」嘅尾巴啊！呢個Work係一套互動drama，故事講述一位希望尋找到宇宙人嘅平凡少年，帶領住四位隊員，十年嚟為咗尋找宇宙人而四處遊歷。五位演員會帶住參加者係玉子二川「尋找宇宙人」。故事去到最尾，少年發現其實地球人都係宇宙嘅一部分，而所謂「宇宙人」只係自己為不安感套上嘅一個名字。少年最後同觀眾道別，然後繼續佢嘅旅程，尋找其他未知嘅事物。
一到埗，好好彩咁我地趕緊捉住咗「Welcome！The Earthling」嘅尾巴啊！呢個Work係一套互動drama，故事講述一位希望尋找到宇宙人嘅平凡少年，帶領住四位隊員，十年嚟為咗尋找宇宙人而四處遊歷。五位演員會帶住參加者係玉子二川「尋找宇宙人」。故事去到最尾，少年發現其實地球人都係宇宙嘅一部分，而所謂「宇宙人」只係自己為不安感套上嘅一個名字。少年最後同觀眾道別，然後繼續佢嘅旅程，尋找其他未知嘅事物。
係兵庫島公園裏面除咗Art Flow 仲有好多人嚟野餐、休憩。Art Flow 仲設咗幾架「美食車」，價錢可以，款式有Pizza 丼飯、啤酒…反而坐嘅地方真係唔錯，有哂天幕咁，仲set up咗一啲帳篷俾人入去休息。
係地鐵站出面就有一啲裝置作品，例如係呢個Smoke Ring，定時會噴煙…(作品介紹好似話可以幫我地欣賞大自然…?)仲有大型投影作品」Anti Adscreen Project」收集公眾嘅問題(任何主題都可以嘅)，再係30號晚投射係地鐵站外牆。
去到蔦屋家電，竟然睇到open reel ensemble嘅和田永表演啊！佢今次仲帶咗扇風機，利用電風扇同燈，將收集返嚟嘅光線轉化成音，總言之佢就係拎住把風扇當結他咁彈喇！
至於Air Stone本來係我幾期待嘅一環，不過實物太似一個普通，吹脹咗嘅水泡，fantasy程度直線下降，不過遠睇襯埋個境真係好靚好夢幻。
最後我地留到夜晚參加埋最後一個活動，每個人拎住裝住LED嘅紙燈籠，人龍一路向前推進，燈嘅顏色就一直變。
呢架就係玉子二川探景車喇！本身係想坐埋嫁，可惜有緣冇份，佢出現個陣我地咁啱尋找緊宇宙人…眼白白見住佢走咗…而加佢已經準備退場嚕…
呢個flow呢，係有唔少家庭嚟參加嫁！因為啲work本身都好有趣同夠互動，地方又夠大，無論幾多歲咩背景,都好易可以投入到啊！呢個blog出咗個陣，個flow大概都完咗嚕，但希望可以俾多個option大家，有機會去東京玩嘅話，可以搵下類似嘅活動啊嘛！
呢個flow呢，係有唔少家庭嚟參加嫁！因為啲work本身都好有趣同夠互動，地方又夠大，無論幾多歲咩背景,都好易可以投入到啊！呢個blog出咗個陣，個flow大概都完咗嚕，但希望可以俾多個option大家，有機會去東京玩嘅話，可以搵下類似嘅活動啊嘛！
全力支持：大新銀行、香港航空、中國平安保險
About Post Author
