一年兩度日本模型盛典 冬季場喺2月7日舉行咗，場外有COSPLAY睇之外，場內主角模型亦非常觸目。Wonder Festival 係世上最大模型展之一，除咗有模型展出之外，Wonder Festival 本質其實係同人模型即賣會。
雖然個人身分模型原型師都可以申請擺檔，賣吓自己手作模型。但要係唔係有熱誠、有技術就有位㗎，事關呢啲手作模型都係涉及二次創作，要事先同版權持有人申請當日版權許可，批咗先有個檔口，同係當日賣，你想俾錢早幾日有，或者俾錢預約都唔得㗎。而且呢啲小型生產，數量有限，真係唔買就無。
咪以為個人原型師嘅作品QUALITY就會差啲，唔少都好高質，部分仲係只展示唔賣。
而呢啲時候就最適合日本模型大廠嚟大晒冷，所以場內另一邊都係未來半年至一年會推出嘅模型灰模，同埋上咗色嘅製成品。唔講咁多，大家自己睇：
Medicom 超像可動系列
Good Smile Company figma 系列
Good Smile Company 黏土人系列
Good Smile Company 小黏土人系列
ALTER
仲有好多好多，不能盡錄。
而最吸引小編眼球嘅唔係模型，而係呢把PSYCHO-PASS嘅DOMINATOR。外型完全還原之餘，仲有攝影機可以偵測「犯罪系數」、觸控感應器、可以完全變型，仲收錄超過100種語音。
普通版(上)，另外仲有木槍柄嘅特別版(下)。
玩具黎講呢把搶直頭無得頂，當然售價都係無得頂：普通版86,184円，特別版：96,984円。小編就買唔起，都係睇人玩算：
About Post Author
