話說上次玩完台場嘅VR發覺意猶未盡，知道池袋都有得玩VR，梗係即刻去試下啦！
經過一年翻新重新開幕嘅Sunshine City展望台「Sky Circus」除咗可以俾大家係離地251米嘅地方欣賞東京全景之外，佢仲加入咗好多唔同嘅玩樂元素。
佢總共分咗7個區域，每個區域都各具特色，其中最搶眼嘅就係近期大熱嘅VR裝置啦！即刻同大家介紹下。
1）Sky Circus Tent
一入場嘅時侯，職員會帶領你去到一個小劇院嘅地方，企係度欣賞一段4D動畫。係短時間之內感受天晴到落雨再到暴風雨嘅變化。不過由於呢度唔可以拍照，所以大家到時可以親身體驗下啦！
2）天空251
一離開劇院就會見到呢個充滿「波波雲」嘅地方。
其實你已經正式進入展望台嘅範圍，有好多唔同嘅觀景位置，仲有指示話俾你知唔同嘅景點分佈。
我地係一大早十點左右到達，相信如果係夜晚嚟睇嘅話，景色會更加靚。啱晒情侶上嚟Sweet Sweet睇夜景![【重新開幕】池袋「Sky Circus」・遊玩觀景無難度]()
3）鏡之世界「カレイドスケープ」
話明鏡之世界梗係有好多形形色色嘅鏡係度啦，自戀狂要注意，真係會忍唔住係咁照㗎，哈哈！（女仔係咁㗎啦![【重新開幕】池袋「Sky Circus」・遊玩觀景無難度]()
）
不過相信最多人鍾意亦最熟悉嘅就係呢個「哈哈鏡」啦！反正係日本減肥唔成功，唯有轉做極速增肥啦，肥肉就是這樣鍊成的![【重新開幕】池袋「Sky Circus」・遊玩觀景無難度]()
當你以為無咩野睇嘅時侯，再行前少少就會有職員帶領你進入一個小房間。裡面會有一連串嘅夢幻燈光秀俾你留影。時間大約幾分鐘左右，而最大嘅好處係佢會分流俾人入去，咁你影相之餘就唔駛驚俾人瘋狂攝鏡啦 ![【重新開幕】池袋「Sky Circus」・遊玩觀景無難度]()
見到好多人係度聞幅牆，我就行過去睇下啦，原來係七彩繽紛嘅萬花筒！對上一次睇萬花筒已經係好多年前嘅事，今次睇番唔知點解覺得好有治癒嘅感覺。
呢舊「光纖雲」掃落去唔單只有唔同顏色，仲會有聲出㗎。
而呢把遮，一開始我捉住佢嘅時侯以為咩都無。但隨住畫面變化，會突然好似落雨咁，你可以感受到把遮係度震動，好似親歷其境一樣。最抵死係，佢除咗落雨，仲會落音符㗎 ![【重新開幕】池袋「Sky Circus」・遊玩觀景無難度]()
4）Sky Bridge
終於嚟到最重頭嘅環節「TOKYO BULLET FLIGHT」同埋「SWING COASTER」啦！我係香港見到佢嘅宣傳短片嘅時侯已經好想玩。
「TOKYO BULLET FLIGHT」玩法係帶上VR裝置後，再進入呢個發射筒入面，之後你就會開始係未來嘅東京街頭入面摸擬穿梭。職員仲特登問我，平時會唔會玩過山車，因為其實佢有啲似過山車，可能會有少少驚。而我嘅答案係…我唔玩過山車㗎![【重新開幕】池袋「Sky Circus」・遊玩觀景無難度]()
你會係東京入面嘅唔同景點穿插，好似玩到中途我就見到自己穿越雷門。因為佢會不停來回衝上衝落嘅關係，所以都有返一定嘅離心力，但對比真正嘅過山車始終都比較輕鬆。所以如果平時無玩開過山車嘅朋友，我覺得都可以挑戰一下。
如果真係好驚嘅話，就可以試下玩「SWING COASTER」。雖然佢都係類似過山車嘅形式，不過相對上就輕鬆好多好多啦！但時間所限，一定要我揀一個我就會選擇玩「TOKYO BULLET FLIGHT」多啲。
「TOKYO BULLET FLIGHT」同「SWING COASTER」都需要另外再購票，分別係600円同400円。而每張入場券只限玩每個遊戲各一次。當日我地唔好彩有一部發射機壞咗，所以要玩就差唔多要排一個鐘左右，不過鞦韆就可以即刻玩，所以大家要有心理準備啦！（可在遊戲區域旁購票）
5）Sky Party
嚟到最後一個遊戲區域，係呢度你可以體驗俾龍捲風捲走，同埋出雷電攻擊其他人。（我地就係度自High咗一陣![【重新開幕】池袋「Sky Circus」・遊玩觀景無難度]()
）
旁邊仲有影相位，係咪好似跌入咗漩渦咁哩![【重新開幕】池袋「Sky Circus」・遊玩觀景無難度]()
6）Cafe Quu Quu Quu
行到最後就可以見到呢個Cafe區域，裝修簡約，而最大嘅特色係你可以選擇窗口位置，咁就可以邊食野邊享受埋東京嘅全景。
Cafe入面除咗主食，仲有三文治同Donut呢啲輕食類提供，賣相都非常精美。
佢仲會不時推出期間限定Menu，好似我地去個陣就係呢個「帳篷咖哩飯」啦。
個人覺得係度玩完一輪如果攰攰地，係度點番杯野飲或者一份甜品嘆下，順便欣賞埋個景色都幾寫意。
7）Sky Circus Shop
入得嚟，又點少得佢嘅紀念品區域哩？商品類別都幾多，好似文具，零食，擺設，公仔，精品等等！而佢嘅商品亦都保持「Sky Circus」嘅夢幻特色，大部分都好「Bling Bling」同埋好可愛![【重新開幕】池袋「Sky Circus」・遊玩觀景無難度]()
臨走前你仲可以將自己係度影嘅相上傳到佢地嘅Facebook，大約兩分鐘就可以見到自己出現係上面㗎啦！
後記：其實我本身已經好鍾意池袋呢個地方，每次去親都一定會去Sunshine City，但上展望台就真係第一次。總括黎講都係一個非常唔錯嘅景點，唔只位置方便，而且仲有得睇有得玩。玩完仲可以落番商場繼續Shopping或者食個飯！
時間方面，如果只係純觀景，相信一個至個半小時都夠。但如果玩埋遊戲，因為要排隊嘅關係，可以多加半個至一個小時會比較穩陣。如果下次我再有機會上去，我希望可以係度欣賞夜景，感覺好浪漫，啱晒情侶啦![【重新開幕】池袋「Sky Circus」・遊玩觀景無難度]()
購票方法：
1）現場購票
你可以選擇係B1門票服務處購票，販賣時間為9:30－20:50。（由地下道行過嚟一入商場門口就可以見到![【重新開幕】池袋「Sky Circus」・遊玩觀景無難度]()
）
2）上網購票
你亦可以選擇網上購票，先選定日期，就可以見到唔同嘅售票情況。
點選你所需嘅門票數量。
最後再可以你嘅個人資料，由上至下順序 1）你嘅名／Nickname 2）你嘅出生年月日 3）你嘅性別 4）你嘅電郵或電話 5）再次輸入電郵或電話
之後你就可以進入付款嘅程序，但留意番訂購後如果要取消將會收取100円嘅手續費。
票價：
以下為各類別票價。記住每張門票只可以購買兩款遊戲各一張。雖然現場都有遊戲券可以購買，但如果上網預訂開最好就買埋遊戲券，咁就唔駛驚到時無得玩啦![【重新開幕】池袋「Sky Circus」・遊玩觀景無難度]()
【Sky Circus】
地址：東京都豐島區東池袋3-1-1 Sunshine 60
時間：10:00－22:00
網站：http://www.skycircus.jp/chinese_t/index.html
「送禮物時間」
今次就準備咗送自己個心心…呀唔係，係呢個Sky Circus限定「心心糖」俾大家。未知幾時有假去旅行，未去到Sky Circus嘅朋友就可以邊嗒糖邊睇Blog頂住癮先啦![【重新開幕】池袋「Sky Circus」・遊玩觀景無難度]()
1. 讚好LikeJapan Facebook
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。
About Post Author
