▼又有東京平價酒店推介比大家，呢間就係位於銀座京橋嘅APA 酒店(APA Hotel Ginza-Kyobashi) ！
▼有圖有真相，我係出發前5個月左右經HOTELS.COM預約5月中嘅2晚酒店～
其實我都好驚訝點解可以咁平，2晚雙人房價錢只需要＄613，除返開即係每人每晚只需要＄153
比我之前推介過嘅明月酒店仲平～而呢間相比明月酒店交通仲更方便，又有獨立廁所，仲包埋早餐！！！你話係咪十級驚訝先！
APA酒店喺日本知名度很高的連鎖酒店之一，飯店據點遍布日本各地，從北海道到沖繩都有，而且多達200間以上，雖然佢一向都唔係貴價酒店，但咁平嘅價錢真係第一次見！
但我呢個咁平嘅價錢相信係有啲可遇不可求，相信必須為淡季時份先有～
▼酒店位置很好，交通非常方便，鄰近東京METRO地鐵銀座線嘅」京橋站」及都營大江戶線嘅」宝町站」，2個站都係步行2分鍾就到達！
羽田機場乘撘京急線更可以一程車直接到達」宝町站」，唔駛轉車，好方便！！
而步行去」東京站」都係10分鐘嘅路程！亦都係我去得最多嘅車站！
▼」宝町站」A4出口一出，轉個灣就到達～
▼酒店門口
▼大堂就比較細小
▼樓層設計很特別，環境很不錯
▼跟我入房參觀，一貫日本酒店格局「麻雀雖小，五藏俱全」！
▼但第一個映入眼廉嘅驚喜位係呢部大電視！！
▼可能我見識少，但我真係好少見酒店有咁大部電視，好正呀！
▼（請無視我混亂的房間）可能慣左日本嘅酒店SIZE，所以唔會覺得好細間，至少放得到我地2個喼～
▼床尾都有位置放行李的～～
▼登登登登，我要推介一下佢地張床，佢床褥係偏向軟腍腍，本身我係驚腍得濟，但估唔到係咁舒服勁好訓！！
▼睇返官網，原來APA酒店係採用全美銷售排名第一嘅Sealy臥具公司合作開發的原創床墊「Cloud Fit」，即係會有如雲一般輕盈柔軟的舒適感！超正！！
▼睇下個浴室，當然會有洗PAT PAT廁所！
▼非常乾淨明亮！
▼提供SHESHIDO嘅沖涼液洗頭液護髮素～
▼一開始講到咁平嘅價錢仲包埋2日嘅自助早餐，一齊睇下早餐有咩食～
▼餐廳環境好靚！而睇返酒店官網原價係要1,200円，所以包埋早餐真係好抵！！！
▼不過講真，食物選擇唔算好多，由於餐廳主題係」九洲之鄉土料理」，所以有好多漬物選擇。
▼新鮮沙津是必食的
▼仲有炸雞薯條，同重點推介九洲特產「筑前煮」，係將雞肉、蒟蒻、牛蒡、蓮藕、香菇等食材用油炒過，並以砂糖及醬油烹煮成嘅九洲鄉土料理。
▼仲有魚呀，菜呀，味噌湯，飯等食物～～味道都唔錯架！
《銀座京橋APA 酒店》
地址：東京都中央区京橋3-6-7
電話：03-5159-5311
網址：http://www.apahotel.com/hotel/shutoken/31_ginza-kyobashi/
About Post Author
