係天才，定係笨蛋？日本網民 SerinaNishiyui，最近喺 Twitter 上傳咗幾張佢喺溫泉店買雪糕嘅相。係個店員新手唔識倒，定係藝術天份太高？佢買咗四杯軟雪糕，四杯都可以唔同樣！唔同倒法，不過都有個特點，四杯都好似草書～
因為雪糕外型太特別，所以喺 Twitter 上被瘋傳！
原來佢買嘅時候，店員就已經同佢講話自己唔識倒，所以會倒多啲，希望你見諒。
最後份量都幾多，不過雪糕造型就特別咗啲。
呢杯都似似地樣嘅…打風姐
好似真係好多咁喎
我最鐘意呢杯，超有藝術感！
最勁嘅係，倒到咁杯雪糕都可以唔跌。可能個店員真係一個天才嚟，不如以後啲雪糕店都咁樣倒啦。食都會食得開心啲～
About Post Author
