1950年面世嘅《花生漫畫》一直都風靡全球，世界各地都有佢嘅粉絲。角色方面，最紅就當然係Snoopy喇！雖然各式各樣嘅Cafe同埋產品都遍佈日本，但就一直都未有Snoopy Museum既出現。
終於喺今年4月23日，日本首間Snoopy Museum正式登陸六本木喇！仲唔係「花生」迷嘅一大喜訊！今次好開心有機會同大家一齊遊覽，開開心心睇「花生」。
去Snoopy Museum路程相當簡單。只要係六本木駅出發，行七分鐘左右就可以到達。
認住六本木駅3號出口，一出去右轉前行。
經過Y!Mobile後，轉右繼續前行。
望到東京鐵塔就方向正確，繼續行就岩㗎喇。
途中你會見到一間「驚安の殿堂」喺左面
繼續前行，直至見到呢個停車場標誌就右轉
之後行多幾分鐘就會見到有好多Snoopy係度等緊你喇！
為管理參觀人數，展館設有唔同嘅入場時段，而購票方法會喺最後同大家分享。
展館除固有展品外，仲有限定主題。而家嘅主題就係「愛しのピーナッツ。」，由花生漫畫原創人Charles Monroe Schulz嘅太太Jean Schulz為大家精選60部喜愛嘅作品，包括珍貴嘅手稿同埋夫妻間嘅小故事等等。展期為2016年4月23日至9月25日。
由展館平面圖可以見到建議路線，方便遊覽。
首先映入眼簾嘅係一張張Charles Monroe Schulz嘅日常生活照同埋一系列嘅介紹短片。
不過最令人驚嘆嘅係呢幅牆上嘅巨作，可以清楚見到Snoopy依偎係Charlie Brown身上。
以為幅畫冇咩特別？只要你靠前睇清楚，就會發現原來呢幅咁巨大嘅畫作，係由一張一張好細嘅花生漫畫拼湊而成！如果逐張仔細睇，可能睇到閉館都未睇完…
行前少少，就會到達一個小劇院。裡面會播放不同Snoopy愛好者嘅影片，其中包括藝人「前田敦子」。
再到達下一個展場，會出現好多精選嘅花生漫畫，仲展出咗好多名人Snoopy愛好者嘅收藏品。
呢張就係首張公開有顏色嘅花生漫畫喇。
我仲發現咗呢張好有趣嘅漫畫，大家可唔可以一眼睇出有咩特別呢？（提示：留意說話內容）
提提大家，館內並非所有範圍都可以影相㗎！記住望清指示先好影啦！
行完展館之後，終於到達令人瘋狂嘅商店區域啦！
商店區域比想像中大，而且物品種類亦都好多元化，有零食，飾品，服裝，毛公仔，文具等等。花生迷真係好容易買到破產。
以下就為大家精選咗幾樣人氣產品，同大家開心Share。
1）花生漫畫明信片 (150円+Tax）
咁開心梗係唔可以獨享，呢度有近百款嘅花生漫畫明信片俾大家選購。唔單止款式精美，而且每張都只係賣150円+Tax。如果我係香港收到朋友寄俾我嘅Postcard，一定又驚喜又窩心
2）Snoopy 365日鎖匙扣 (700円+Tax）
呢個Snoopy鎖扣有齊365日嘅款式。除咗日子唔同之外，每個鎖匙扣連住嘅花生漫畫都唔同㗎！咁就夠晒獨一無二啦！無論係生日或者紀念日都好值得珍藏！
3）Snoopy杯緣系列 (500円+Tax／一個）(4000円+Tax／一盒）
Snoopy都玩杯緣熱，訓又得，坐又得，單手吊住都得，萌到爆燈呀。儲齊一套好似下面咁放滿係杯上面，真係夠晒卡哇依呢！
行完買完，梗係要補充番啲Energy啦！所以我地就嚟到「Cafe Blanket」試下佢地嘅特色餐飲。
Cafe分室內同室外，走簡約風，俾人感覺和諧舒適。
主餐我就叫咗呢個「吞拿魚三文治餐盤」。
三文治麵包烘得好鬆脆，三文治亦都好足料。除吞拿魚外，仲有好多蔬菜同一層厚厚嘅芝士。
另外配有兩個迷你版嘅美式熱狗。不過最特別嘅都係佢點薯條嘅醬汁，唔係蕃茄汁，而家濃厚軟滑嘅花生醬，配搭好創新，但味道都出奇地match。(1480円)
係人都知女人有兩個胃㗎啦，食完正餐就梗係要食埋甜品。所以我就點咗呢個「Cafe Blanket’s Pancake」。Pancake細細塊夠「的骰」，仲要印埋Snoopy嗰樣係上面，真係差啲唔捨得食呀！除咗藍莓醬，佢仲有一個特調嘅花生焦糖醬，我試過兩種「混醬」一齊食，估唔到味道又幾好喎！Pancake上面仲附送新鮮水果，成件事夠晒Fresh。（1280円）
飲品方面，就叫咗呢杯「薄荷特飲」。一開始其實係睇中佢兩個藍色嘅雪糕，但原來雪糕上面仲灑上細細嘅玉桂粒，加埋雪糕一齊食，口感一流。而薄荷梳打味道濃郁，口感軟滑。飲完之後真係非常滿足，為今日嘅Snoopy之旅畫下完美句號。
Snoopy Museum分五個入館時段，分別係10:00－11:30、12:00－13:30、14:00－15:30、16:00－17:30、18:00－19:30。
不設離館時間，入館後可慢慢欣賞。
不過最重要嘅係，「點樣買入場門票哩？」
佢分兩種門票︰「預售票」同「當日票」
預售票票價：大人1,800円 大學生1,200円 國高中生800円 小學生400円
當日票票價：大人2,000円 大學生1,400円 國高中生1,000円 小學生600円
當日票票價：大人2,000円 大學生1,400円 國高中生1,000円 小學生600円
1）當日票購買方式
如果想即日去Snoopy Museum嘅話，可以上番佢地嘅官方網站查詢當日剩餘票數，睇準時間到現場購買。（○：仍可現場購票，△：僅剩少量名額，X：已售完，-：場次已結束）
2）預售票購買方式
不過為確保一定可以入場，最好都係購買預售票。（同埋都抵啲啦！）
人在日本嘅話，可以喺Lawson便利店購買（最遲購票日期為入場前兩天）
若果喺香港，就可以Send email到以下網址 info@snoopymuseum.tokyo ，郵件內容為：
Name:（你的名字）
Nationality:（國籍）
Date:（參觀日期 ）
Time slot:（參觀時段）
Number of tickets:（門票張數）
例子：
Name: Poli
Nationality: Chinese
Date: May 18th
Time slot: 18:00-19:30
Number of tickets: 1 adult, 1 child (6 years old)
Nationality: Chinese
Date: May 18th
Time slot: 18:00-19:30
Number of tickets: 1 adult, 1 child (6 years old)
2. 官網收到預訂郵件會向你發放確認信。如果預訂場次已滿，佢會再提議幾個時間俾你參考。
3. 如果場次許可並成功預訂，就請列印確認書備用。
4. 準時抵達「Snoopy Museum」，並帶齊確認信、護照同埋入場費用（現金或信用卡）到館內櫃檯換票。
※請以英文填寫。
※Cafe Blanket和商店均須購票入場。
※官方網站票況僅供參考，實際均由現場作準。
※官方網站票況僅供參考，實際均由現場作準。
睇完介紹係咪已經好想即刻去哩？如果你係花生迷嘅話，呢度簡直係一個天堂。
遊覽時間因人而異，建議可安排兩至三個小時遊覽，約埋朋友一齊開開心心睇「花生」。
場館資料：
官方網站：http://www.snoopymuseum.tokyo/
開放時間：10:00~20:00（最後入場時間19:30）
地址：東京都港区六本木5-6-20
「送禮物時間」
今次準備咗幾張Postcard送俾大家，如果唔怕見到「春田花花幼園」Style嘅字體，又想得到以下Postcard嘅話，就要留意以下方法啦！
1. 讚好LikeJapan Facebook
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。
遊戲截止日期:
2016年6月18日
特別嗚謝SNOOPY MUSEUM TOKYO全力協助拍攝
About Post Author
