提起淺草你會諗起啲咩？淺草寺？和服？定係美食？有冇諗過合羽橋道具街呢？
合羽橋道具街位於淺草同上野之間，呢條街大約有170間專賣店，主要售賣各式餐具、機器、廚房設備、食品原材料、包裝用品等等 ，不過….最吸引我嘅就係…食物模型喇！！！
所有同餐廳有關嘅用品一應俱全，要燈籠有燈籠、要餐牌有餐牌
三色丸子直頭以假亂真啊！
個case仲大過部電話
見到咁大隻蠔已經流哂口水
送禮自用都一流啊
做電話架又得
行咗一陣，終於搵到呢間目標店鋪「元祖食品Sample屋」
廚窗有好多展品睇，除咗睇得唔食得之外，仲係非賣品嚟㗎！
嘩….連流動緊嘅液體都做到…真係好犀利啊！
廣島燒啊！我愈睇愈肚餓喇！
像真度100%！！！
睇完係咪心思思想買返屋企呢？入面有好多！但價錢一啲都唔平…真係買唔落手….
壽司磁石貼
Pancake盒仔
呢個Pizza係砌圖嚟㗎！不過要成$430港紙…
難得一場嚟到，冇理由淨係得個睇字㗎…其實我一早Book咗「食物模型班」！
我已經換上「春裝」喇！哈哈
開始之前要揀「食材」先，每人可以揀兩款，估到整乜嘢食未呢？
Yeah！就係天婦羅喇！係咪好似真嘅一樣呢？
開始之前，老師會示範一次，等大家有個概念先，首先，將液體嘅蠟由高處倒落暖水入面，形成「天婦羅嘅炸粉」（雖然唔識聽日文，但老師講嘅每一句我都完全明白佢嘅意思
）
）
之後放隻蝦係面
之後將隻「炸蝦」45度角咁向下拉
反轉，然後將佢包住就完成喇！大家忍唔住一齊拍掌講「su哥兒！」
輪到我試喇，原來睇就容易，到落手落腳做嘅時候係好難！（我整到塊皮好多洞洞啊
，老師係咁指住邊度要補返啲洞）
，老師係咁指住邊度要補返啲洞）
老師忍唔住出手幫我
我人生第一隻「天婦羅炸蝦」出世喇！
要即刻浸凍水「過冷河」，隻蝦就會即刻變硬㗎喇！
講個秘密俾你知吖….其實係好耐以前睇旅遊節目，我見到主持人整食物模型，我覺得好神奇又好羨慕，然後一路將呢件事放咗係心到，希望有朝一日可以試吓，呢個小小小心願今日終於達成喇！真係好開心
輪到整「南瓜」，有第二次機會做好啲！（杯蠟真係好熱啊！）
一反！又得咗！
即刻過冷河
最後輪到整「原個生菜」！
白色係用嚟做「生菜」入面個心，要壓一壓整啲菜紋出嚟先似
加一層綠色做菜葉
然後向下一拉….神奇嘅事發生咗喇！變咗一大塊菜葉！又薄又透！
慢慢將佢摺埋，唔好咁大力，會變型㗎
有老師嘅神來之手幫一幫，小朋友都識整啊！
嘩！我棵菜啊！睇落係咪好新鮮呢？
之後老師會問你想唔想切開個生菜
我就揀咗切喇！
哈哈….好迷你啊！
我嘅作品，加埋個外賣盒同紙袋，驟眼睇真係好似食得…好滿意啊
其他同學嘅作品，有老師係到，個個都整得似模似樣啊！
上完堂都仲未夠喉？可以去樓下買返幾盒返屋企慢慢玩！(就算冇參加體驗班，各位都可以去門市買㗎！）
有意粉、有Pizza之外，仲有拉麵同炒飯㗎
想整甜品一樣有！
睇哂成篇Blog…係咪心思思想即刻去整呢，不過有少少嘢提返你…呢個食物模型班只有日文班…外國朋友報名的話，一定要有識日文嘅朋友陪同先可以參加㗎…詳細可以睇下面有關食物模型班嘅介紹，唔識日文或者冇識日文朋友陪你去都唔洗灰心住！因為…我搵到另外一間係有英文班，好歡迎遊客參加之外，老師們仲超級友善！想知邊度？點報名？下篇Blog就會話你知㗎喇！
報名詳情，元祖食品 Sample 屋一共有兩間分店有體驗班：
地址：日本 111-0035 東京都台東區西浅草3-7-6
電話：0120-17-1839
元祖食品 Sample 屋－幕張新都心店（新開張）
地址：イオンモール幕張新都心 グランドモール２階
電話：043-441-3559
對象：小學一年級以上
製作時間：天婦羅60-75分鐘、甜品約120分鐘
價錢：天婦羅2160円、甜品3800円-4800円不等
報名方法：電話報名（提前預約）
＊提提你，參加者必須識日文或者有識日文嘅朋友陪同㗎
「天婦羅」食物模型班長期都會開，而甜品係特定日子同店鋪先有㗎！想知預約時間可以上官網睇睇！
About Post Author
