東京夜景推介(一)－六本木森大樓展望台

要數東京最出名嘅展望台，相信大家都會諗起「東京鐵塔」或者「晴空塔」，而呢2個地方亦都係東京最有代表性嘅地標，但係你有冇諗過上到「東京鐵塔」望唔到「東京鐵塔」，上到「晴空塔」望唔到「晴空塔」係好可惜嘅事，咁邊道可以同時望到呢2個地方呢，我就會推薦你黎六本木森大樓嘅展望台！

東京夜景推介(一)－六本木森大樓展望台
乘撘東京Metro日比谷線到「六本木駅」1C出口出，會有地下通道直接連結到達。

東京夜景推介(一)－六本木森大樓展望台
呢棟就係六本木之丘森大樓！

東京夜景推介(一)－六本木森大樓展望台
展望台入口處。

東京夜景推介(一)－六本木森大樓展望台
（*此圖片取自官網）
上到去嘅環境～360度嘅環迴落地玻璃展望台

東京夜景推介(一)－六本木森大樓展望台
一入去就會見到東京鐵㙮，真係好靚！東京鐵㙮每段時間嘅顏色都會唔同，呢一日係2015年12月30日，就係橙色＋有2015嘅標誌。
想知你打算去呢日鐵㙮係咩色，可以上呢道睇下！
但咁靚嘅景色一定係全個展望台兵家最必爭之地，所以早啲黎就着數啲！

東京夜景推介(一)－六本木森大樓展望台
由於窗邊地下係平嘅關係，所以就算冇腳架都可以影到靚相呀！
不過當然我係有帶腳架去啦！XD

東京夜景推介(一)－六本木森大樓展望台

東京夜景推介(一)－六本木森大樓展望台
識影一定係咁影！防止反光聰明對策＝P

東京夜景推介(一)－六本木森大樓展望台
除左52樓展望台之外，加多500YEN就可以上黎Sky deck！
話你知，呢500YEN絕對唔能夠慳，上到黎包你唔願走！！
Sky deck 係森大樓的頂樓停機坪，視野完全無遮檔無玻璃隔住，景觀非常開揚，同隔住玻璃睇嘅感覺完全唔同！
不過，唔好處係勁大風，冬天嘅時候係勁凍，但呢啲都唔係可以阻擋你上黎嘅決心係咪先XD
事先聲明，呢道好容易受到天氣影響而唔開放，所以唔保證你可以上到黎架！