關東賞花系列回顧：
▼第三日利用JR東京廣域周遊券，唔好比佢停，繼續去睇花！！今次嘅目的地係我第二次去啦，就係位於茨城縣嘅日立海濱公園啦！
▼首先東京站撘個幾鐘頭車去到勝田站
▼第二次黎到啦！
▼出左車站就去搵2號巴士站
▼寫住去海濱公園方向
▼上車拎左整理券然後落車先比錢，車費係400YEN，撘15分鐘左右就到達～
▼到達門口啦，YEAH又係一個好好天嘅日子！入公園要比入場費，大人410YEN
▼影返張到此一遊相先～
▼公園係非常之大！！！如果想齋用自己雙腳遊覽成個公園係有難度～
▼吸收過上次嘅經驗，我今次一入去就即刻去租單車先！
＊有興趣可以睇返我上年10月去嘅影片：https://youtu.be/j3EkIrQmFfQ
▼租車價錢如下：
▼利用自助販賣機比錢
▼單車存貨好多，唔駛驚比人租晒
▼仲有呢啲岩晒情侶踩嘅雙人單車添![【貝遊日本】日本關東賞花花（三）日立海濱公園藍花海]()
▼喺公園租單車踩除左方便之外，仲係一種享受！因為單車徑規劃得非常好，空間充足，去程同回程嘅單車係分開2條路，必定唔會相撞，再加上沿途望住好靚嘅風景，所以喺道真係必定要租單車踩呀！
▼公園內有好多停泊單車嘅位置
▼我嘅第一站首先停喺3號駐輪場先，目的地係」見晴之丘」，即係藍花海嘅位置呀！
▼噢，可惜落車遠望見到藍花海已經過左滿開嘅時間，唔係好藍了T＾T
今年粉蝶花開花花期比往年提前左2周，好傷心…所以這些機會不是我的…
不過雖然唔係滿開，但我依然覺得眼前嘅景象好靚呀！！
▼日立海濱公園一連四季都有唔同嘅花睇，4-5月就係有眼前嘅著名藍色花海「粉蝶花」，而10月嘅時候就有紅色的「掃帚草」～上年10月睇「掃帚草」遊記：https://youtu.be/j3EkIrQmFfQ
▼其實行上啲係會發現某啲位置都仲係開得好密架～![【貝遊日本】日本關東賞花花（三）日立海濱公園藍花海]()
▼喺咁靚嘅環境裡面，緊係影返百幾二百張相啦XD
▼一整個山坡嘅藍色「粉蝶花」，喺天氣晴朗時同藍天連為一線，真係非常夢幻![【貝遊日本】日本關東賞花花（三）日立海濱公園藍花海]()
▼真係好靚好靚！！！
▼上到最高仲可以見埋海洋，天海花3個藍色連成一線！
▼公園嘅最高點，仲有個敲鐘，敲一敲就得到幸福架啦![【貝遊日本】日本關東賞花花（三）日立海濱公園藍花海]()
▼公園周圍都有好多食店，但味道就唔好有期待啦，因為我上次食過一間好難食….
今次我就揀左摩天輪格離呢間食店～
▼主要係食咖喱食品
▼然後比我發現左呢個期間限定![【貝遊日本】日本關東賞花花（三）日立海濱公園藍花海]()
係為左藍花海而推出嘅藍咖哩！！
▼身先士卒試下先！
▼其實味道同普通日式甜咖哩係一樣，合埋眼食真係分唔出有唔同～
▼但係我真係高估左自己嘅接受能力![【貝遊日本】日本關東賞花花（三）日立海濱公園藍花海]()
，一路食一路都有啲反胃嘅感覺，覺得自己好似食緊啲化學材料咁，不過最尾我都食左大半碟…
▼另外再叫左一個豬肉咖哩烏冬，呢個正常好多雖然都唔可以稱得上好好味![【貝遊日本】日本關東賞花花（三）日立海濱公園藍花海]()
▼食完就繼續踩單車，本身想去玩摩天輪，但最後都唔夠時間冇玩到![【貝遊日本】日本關東賞花花（三）日立海濱公園藍花海]()
▼黎到9號駐輪場
▼所有駐輪場都有好多位置比你泊好單車，非常方便！
▼黎到公園嘅大草原，超大個草地，非常舒服！
▼大草原同剛才藍花海嘅位置一樣都係勁大！！我真係好鍾意尼道呀，可以嘅話真係想留係道耐啲，可惜公園5點就關門，我地又遲入場T＾T
▼非常推介呢個公園比大家，今次係我第二次黎，但我都係行唔晒成個公園![【貝遊日本】日本關東賞花花（三）日立海濱公園藍花海]()
， 實在太大啦！！
有3個時段都建議大家黎，分別係4月中－5月頭嘅藍花海時期；
仲有6月－9月嘅綠色的「掃帚草」時期；同10月嘅紅色「掃帚草」時期呀！！
《日立海濱公園》
地址：茨城県ひたちなか市馬渡字大沼605-4
開放時間：
3月1日～7月20日：9:30～17:00
7月21日～8月31日：9:30～18:00
9月1日～10月31日：9:30～17:00
11月1日～2月28日：9:30～16:30
票價：大人410円，長者210円，小童80YEN
網址：http://hitachikaihin.jp/
About Post Author
