上星期我偷偷出走左3日，利用JR東京廣域周遊券（前身叫JR關東地區通票），遊走關東地區，3日分別去左唔同嘅賞花地點，第一站係位於栃木縣嘅足利花卉公園，去睇尾聲嘅紫藤花～
▼關於JR東京廣域周遊券，我遲啲會再寫一編BLOG詳細介紹![【貝遊日本】日本關東賞花花（一）栃木縣足利紫藤花]()
3日嘅旅程，我都係拎住呢個PASS撘乘所有關東地區嘅JR列車～
▼第一日目的地：足利花卉公園
首先東京站乘撘東北新幹線到小山站～
▼新幹線真係超舒服！
▼車程42分鐘就到達了
▼然後跟指示轉兩毛線
▼今次唔係新幹線啦XD
▼由小山站撘去富田站
▼車程38分鐘就到達
▼富田站係一個小站
▼站外有地圖指示點去足利花卉公園，需步行10-15分鐘
▼真係完全唔駛擔心唔識行，因為大部分喺呢個站落車嘅人目的地都係一樣，跟住人潮行就得架啦XD
不過我都簡介下啦，見到第一個路口轉去右手邊，然後一路直行！
▼見馬路過馬路再直行
▼直至見到呢個剪咀指示你轉左過馬路
▼過完馬路再轉向左邊繼續行
▼好快就會見到足利花卉公園嘅入口啦！
▼入場費係海鮮價黎， 紫藤季節嘅大人收費係900-1700yen，視乎紫藤開花情況有不同收費，即係越貴越靚囉，我去個日5月11日只係需要1200YEN入場費![【貝遊日本】日本關東賞花花（一）栃木縣足利紫藤花]()
搞錯呀！我想比多啲錢呀！！ 即係證明紫藤花過左最豐盛嘅時間LU![【貝遊日本】日本關東賞花花（一）栃木縣足利紫藤花]()
仲要呢一日係下雨天…
官網會在早上七點公布票價：https://www.ashikaga.co.jp/index.html
▼足利花卉公園話大唔大，話細唔細，一年四季都有唔同的花展示，但是最出名當然就係四月下旬～五月上旬嘅藤花啦
▼首先去最出名嘅大藤先！
▼由於今年早左開花同我遲左去嘅關係，紫藤花真係已經落左好多，但係都仲有紫色，依然好靚！
▼足利花卉公園，是日本最大規模的「紫藤花園」，園內有 350 棵以上的紫藤，呢個係大藤！
▼我有朋友早我2星期去，佢除左可以見到全盛嘅紫藤之外，仲話成個公園都充滿了紫藤嘅香味，但我去嘅時候淨係聞到臭味![【貝遊日本】日本關東賞花花（一）栃木縣足利紫藤花]()
我諗係因為落雨，啲泥水味太臭了HAHA
▼大藤嘅樹齡已經超過100年！！！
▼而呢道亦被美國CNN選為世界九大夢幻旅遊景點之一，真係好勁架！
▼睇完大藤，就去左睇大長藤
▼感覺同大藤係一樣
▼之後就去睇八重藤
▼八重藤都落得七七八八![【貝遊日本】日本關東賞花花（一）栃木縣足利紫藤花]()
本身滿開嘅時候係好似一串串葡萄咁好靚架！
▼不過又唔係所以藤花都已經落晒冇野睇，黃藤就到左開滿嘅時間！
▼黃藤都好靚架！
▼除左黃藤之外仲有白藤～
▼都係達到滿開嘅時候，真係好靚呀![【貝遊日本】日本關東賞花花（一）栃木縣足利紫藤花]()
呢個位置係我影得最多相嘅地方！
▼除左藤花之外，公園裡仲有好多其他好靚嘅花!
▼呢個休息區上面本身有好多粉紅藤，但又係過左滿開嘅時候了
▼公園有好多食野嘅地方
▼有呢啲小食亭，買完坐係露天地方食
▼另外門口位置仲有一間高級少少嘅餐廳
▼睇賣相都幾唔錯，但相比之下就係貴左啲啲
▼因為落雨嘅關係，我就唔揀坐室外； 而因為冇乜錢嘅關係，我都唔揀高級餐廳； 咁我就揀左下面呢間自助購買嘅食店啦～
▼我呢就點左佐野拉麵，炒麵同章魚小丸子食
▼拉麵係正常野，唔會中伏又冇驚喜咁啦
▼炒麵就小伏，凍晒之餘佢比左好多薯仔我，啲薯仔又大舊又凍又唔好味![【貝遊日本】日本關東賞花花（一）栃木縣足利紫藤花]()
▼章魚小丸子就大伏啦，睇個賣相都明白啦…食淨2粒冇食到
▼貪得意買左個冷凍蜜柑，以為係好甜好消暑，點知勁酸![【貝遊日本】日本關東賞花花（一）栃木縣足利紫藤花]()
▼公園嘅門口位置有手信區
▼除左有代表紫藤嘅食物買之外
▼仲有栃木縣嘅手信！
▼紫藤串嘅鎖匙扣好得意呀！
如果大家想睇咁嘅嘅紫藤嘅話，記得下年要襯早，我認為4月25-5月5日嘅時間係最佳觀賞時間！
足利花卉公園
地址：栃木県足利市迫間町607
開放時間：07:00~21:00
門票價錢：300円～1600円（隨時節變更）
網址：https://www.ashikaga.co.jp/index.html
About Post Author
