娘子，同牛魔王去青森睇耶穌（咦？）

每次去日本，唔係東京就係京阪神，最遠都係北陸，有時會唔會覺得有少少悶﹖如果你係有咁嘅諗法，不妨參考下[冇雷公咁遠系列!!]嘅介紹，或者你會得到新嘅答案啊！

 

今次講嘅係地點係位於東北青森縣嘅八戶市附近嘅山區嘅新鄉村！(都話冇雷公咁遠囉～)。提起八戶，大家應該會先諗起入八食中心入面嘅海鮮燒烤吧。不過非常遺憾，八食中心係會留返前啲先講嘅。今次小編就同大家講耶穌！

 

又金字塔又耶穌墓真係唔講得笑

 

唔講唔知，原來青森係有個耶穌墓架！相傳耶穌當年就係喺日本渡過最後嘅晚年，並安葬喺嗰度。究竟佢地有咩根據﹖　而家就即刻帶大家睇下！

 

 

相信對基督宗教有啲認識嘅朋友，都應該會知道耶穌有十二年係冇被記載喺文獻中，傳聞就係由二十一歲起他去了日本展開修行，直到三十四歲少回到耶路撒冷宣揚教義。

 

 

 

仲有就係喺耶路撒冷被釘死喺十字架上嘅，不係耶穌本人，而係耶穌嘅弟弟。而耶穌則逃離了耶路撒冷，幾經艱苦後才回到日本，並定居於青森，直到106歲逝世。

 

而喺青森新鄉村中，據講係有證據證明耶穌曾經來日嘅說法。首先係一塊看似平平無奇，被當地人稱為「家寶」嘅石頭，經專家鑑證後，原來係西方人古代用嚟磨小麥粉嘅器具，於日本甚少被使用，而且對比之下同收藏於大英博物館嘅石頭非常接近。

 

喺當地嘅盤舞習俗中亦可搵到蛛絲馬跡。當中跳舞時所唱嘅曲詞以日語嘅角度找不到相關嘅意義，但以希伯萊語分析，則可解讀到「讓作為主嘅神看」、「拿撒勒嘅主啊」等，與感謝耶穌相關嘅字眼。

 

 

另一方面，亦有跡像顯示聖殿騎士團曾到訪日本。可能會有有人問，十二世紀才出現嘅聖殿騎士團到底與耶穌有甚麼關係？根據日本某電視台曾經遠赴洛杉磯訪問一位共濟會長老，原來聖殿騎士團成立嘅其中一個目的，係要到世界各地尋回耶穌嘅遺物。那麼聖殿騎士團會特意來到日本，亦即係表示耶穌曾來到日本，並留下了遺物。聖殿騎士團曾到訪日本，可喺航海家哥倫布嘅記述聖殿騎士團事跡嘅「The Last Templar」搵到。書中詳盡記載了聖殿騎士團最活躍嘅十二世紀時日本嘅狀況，因此被認為係聖殿騎士團曾到訪日本，亦即耶穌曾駐留日本嘅重要證據。

 

喺當地，有人死嘅人家要掛十架燈籠3年

 

 

 

耶穌墓真身!!

 

 

其實日本各地就成日都有啲類似嘅嘢啦，例如日本山口縣油谷町就有個「楊貴妃之墓」，傳說楊貴妃冇死，仲去咗日本添。而和歌山縣新宮市同三重縣熊野市亦各有一個「徐福之墓」等等。而時至今日，當地仍然有兩個頂端插著木製十字架嘅墳墓，據說就係耶穌同耶穌細佬嘅墳墓。除咗同附近嘅耶穌之里傳承館一同開放參觀外，每年6月仲有神道教式嘅基督祭典活動添。有興趣尋幽探秘嘅朋友，不妨可以去睇下wwwwwww

 

傳承館及其內部

 

傳說曹操亦冇死到，去到日本以「織田信長」個名再戰天下。wwwwww

 

 

 

 

神道教式嘅基督祭典活動