終極易碎品天朝玻璃心相信各位朋友都唔會陌生,唔知係咪臨近聖誕大家情緒高漲,心碎都變得容易咗? 單係喺遊戲界都連爆兩嘢。繼早前『人中之龍6』一句「是的。桐生先生對台灣這個國家有什麼樣的印象呢?」搞到一眾「朋友」同SEGA重忙緊「有你冇我」嘅時侯,估唔到FGO一位前畫師隨便畫幅畫都一樣中伏。
![畫幅畫都成地玻璃碎!? FGO畫師引爆炎上炸彈!!](/2016/12/editors/2798/20161214142238_2vJ0NMxg.jpg)
![畫幅畫都成地玻璃碎!? FGO畫師引爆炎上炸彈!!](/2016/12/editors/2798/20161214142626_kZ6XUomo.jpg)
一切根源:FGO官方宣佈有新從者
一切源於剛剛全球收益反壓『POKEMON GO』嘅大熱手機遊戲『Fate/Grand Order』最近就喺官方嘅4格漫畫公開咗個未公開名字嘅新從者角色,而有為『Fate/Grand Order』畫插畫嘅畫師「松竜」一時興起,就幫忙嗰個角色畫咗一幅同人卡圖,並自己加上角色名「愛新覺羅顯顯㺭」(即係川島芳子啦),之後當然就放上Twitter,估唔到就咁就埋下咗玻璃大量出貨嘅種子。
![畫幅畫都成地玻璃碎!? FGO畫師引爆炎上炸彈!!](/2016/12/editors/2798/20161214142714_VjjrrvjM.png)
![畫幅畫都成地玻璃碎!? FGO畫師引爆炎上炸彈!!](/2016/12/editors/2798/20161214142728_R1dehEzk.png)
南京大屠殺開始日子+漂亮誤會=大☆爆☆炸☆
當然啦,今時今日嘅網路世界,食個杯麵咁上下時間幅圖可能已經環遊世界幾次,幅圖基本上喺天朝通晒天囉。而幅圖唔知點解會變成「FGO官方公佈新角色,即將於遊戲實裝(簡單講即係個角色會正式出場啦)。」,官方出二戰戰犯? (重要隻遊戲經常會將負面角色正面化,俗稱「洗白」。)仲要撞正嗰日係南京大屠殺開始日子? 於是「松竜」Twitter啲回覆就開始向奇怪嘅方向發展……
![畫幅畫都成地玻璃碎!? FGO畫師引爆炎上炸彈!!](/2016/12/editors/2798/20161214142750_AHQKhx41.jpg)
Twitter交火實錄
以下內容引自松龍Twitter:
松竜老師,你好,我很喜歡老師的畫,不過今次愛新覺羅顯㺭作為英靈侯補似乎劣評如潮啊,而且有近代歷史上嘅問題,有關顯㺭嘅取材最好小心處理。
松竜老師你好,雖然有點唐突,其實我好喜歡FGO。不過因為川島芳子係戰犯,對於今次實裝只能表示不快。
就算係個人發想都唔應該出呢個名。
不好意思。在下係天朝FGO粉。川島芳子對於我國係不能原諒嘅戰犯。由於FGO係有天朝版、創作時請多加小心。不好意思,係咁多。
咁嘅日子(南京大屠殺)出埋啲咁不知所謂嘅圖真係唔係人,不知所謂。Fxxk you去死啦
松龍老師,我由教誨師系列時已經係老師死忠,所以我要給你少少意見,川島芳子喺天朝係人見人憎。特別今日係敏感事件紀念日,呢件事喺weibo已經著晒火。
嗯……,作為天朝FGO粉嘅在下覺得今次係有啲唔妥。始終個角色喺天朝係戰犯。
話戰犯唔可以出場嘅人,點解又接受到希特拉出場?因為川島係日本人所以不可接受?咁樣對於拚命創作嘅老師唔係好失禮咩?
FGO剛開始登陸天朝營運,如果呢件事有咩影響就唔好啦,可能會好大鑊喎。雖然有啲唐突,不過都係慎重啲好,多謝!
失望
雖然其實根本未知個角色係邊過,不過如果川島唔出得咁荊軻冇理由得喎?我覺得冇理要老師心痛囉。
請再做資料搜集,川島唔值得洗白。
咁嘅時候出咁嘅角色,失敗。
去死
不過,起用個咁政治敏感嘅人,對於天朝玩家真係唔係咁好,而中國玩家之間已經引起「熱烈討論」,你不如道歉罷啦。
雖然又黃又可愛,不過天朝人唔會接受呢個角色哩。「Dislikeです」。
松龍老師冇錯。天朝冇錯係有好多FGO迷,考慮到松龍老師嘅影響力確實有機會做到。不過因為出於同天朝史觀有分野就加以指摘,就算係正確都只不過係一個國家嘅史觀。一國嘅英雄在對方國家睇係仇敵這種事正常不過。咁簡單都唔明就唔該收聲。而且咁唔同意人哋嘅觀點,點解又要仆倒去玩人地出嘅遊戲?呢班人真係奇鬼怪。
![畫幅畫都成地玻璃碎!? FGO畫師引爆炎上炸彈!!](/2016/12/editors/2798/20161214152516_lYOOnIpc.jpeg)
對岸著名討論區K島總結事情始末
松龍老師為咗息事寧人,當然最後都係道歉了事
回文內容:12月12日公開嘅插畫已經刪除。對於愛新覺羅顯顯㺭」係某天朝戰犯,以及插畫公開翌日係南京事件嘅追悼日,本人對於「思慮欠缺周詳」等地方收到眾多意見。對於粉絲繪圖引起天朝FGO粉絲不快謹此致歉。
![畫幅畫都成地玻璃碎!? FGO畫師引爆炎上炸彈!!](/2016/12/editors/2798/20161214143237_9z79cDwa.jpeg)
究竟下次會輪到邊度碎玻璃呢?
PS小編承認嘅愛新覺羅顯顯㺭,永遠只有一個……
![畫幅畫都成地玻璃碎!? FGO畫師引爆炎上炸彈!!](/2016/12/editors/2798/20161214142059_0nUa1170.jpeg)
資料來源:
松竜TWITTER
https://twitter.com/matsuryun/status/808282426237554688?ref_src=twsrc%5Etfw
オレ的ゲーム速報@JIN
http://jin115.com/archives/52158538.html
微博
KOMICA