日本有好多100yen壽司店，但係好多香港人都唔去食，原因大部分都係怕平嘢冇好嘢～
的而且確，有啲100yen壽司店嘅壽司唔係太新鮮，例如啲吞拿魚好似甩晒色又冇味咁，
不過今次我要介紹嘅依間「くら寿司」就係100yen壽司店之中嘅王者啦～
由池袋東口行兩三分鐘就到～
當日我星期一六點前到都要等成粒鐘，足見佢到底有幾咁受歡迎！
大家要去食嘅話一係就早啲去攞飛（藍色嗰邊），一係就一早去預約卡位～
雖然藍色飛寫到明係Bar檯優先，不過其實店入面大部分都係卡位，去咁多次都冇坐過Bar檯哈哈～
唔識日文唔緊要，有晒圖，落單全部都係自己禁，唔需要你出一粒聲！落完單之後啲嘢食就會飛去你個位到，係咪好方便呢？
熱茶喺位到就有得斟，但係凍水就要自己出出面自助吧到拎啦～
嘩哈哈嚟啦啲壽司～高級嘅壽司例如油甘魚、赤蝦就得一件，其他基本上都係兩件一碟～
最正係呢個海膽壽司，你睇啲海膽幾鬼多！100yen咋！
除咗壽司之外又會有烏冬拉麵等等正餐～呢個天婦羅咖喱烏冬真係超水準！！！！！350yen咋！
天婦羅蝦一樣正嘢！個皮好香蛋味，脆得嚟偏實，係我杯茶～
仲有呢個脆蕃薯條都係必叫嘅～～外脆內軟，甜甜的，好Sweet啊～
食完啲壽司，將啲碟放晒入張檯側邊個窿嗰陣（詳情可以睇返條片哈哈），每入夠5隻碟就可以抽一次獎～～抽中咗嘅話，上面個扭蛋機就會跌扭蛋落嚟㗎啦～有得食又有得玩，好開心㗎～～～
其實好多人去東京都會嚟池袋玩，有機會嘅話一定要去試吓依間くら寿司！
有興趣就上個官網望下啦～byebye～
About Post Author
